زاويتي ... - الصفحة 10

أم ريما · 01-07-2012, 07:24 AM

http://www.youtube.com/watch?v=gO_GXuJpIrY

مشتاق للجنة وخايف من النار

بين الرجا والخوف أبقضي حياتي

أحيان يزيد الخوف عندي بمقدار
لأني كثير ذنوب ومن العصاتي

ولأني أتوب من الخطايا والأوزار
وأرجع وأطيع النفس في المـَعصياتي

يا الله أنا من نفسي اليوم محتار
أتعب وأنجـّيها وتبغى ممـــاتي

يا نفسي اللي تامر بسوء واشرار
أريـــد بك خيرٍ وهذي جزاتـــي

يا نفس يوم الحشر ما تقبل أعذار
وفي جنة الفردوس نبغى المباتي

لكن عندي لك سؤالٍ له أسرار
وشلون ناصلها وهذي سواتي؟!

حملي ثقيل ومنه جسمي قد انهار
وحتى الخشوع مضيـّعه في صلاتي

يا رب كيف أدعوك في وقت الأسحار
وكلي ذنوبٍ في العلــــن والخـَفاتي

ويا كيف أنا ما أدعوك والاسم غفـّار
تغفر ولو مثل البحــر سيئاتي

أنا أدري إن الله عظيمٍ وجبـّار
وانه رحيم وكلنا له سنأتـــي

وإنه على خلقه حليمٍ وستــّار
وإنه رقيب وكاملٍ في الصفاتي

فيا رب يا منزلٍ من الغيم الأمطار
يا منبتٍ بالأرض خضر النباتي

يا مجري من القطر وديان وأنهار
ومن الحصى منشي جبال السراتي

يا مقلــّب قلوب الخلايق والأبصار
يا حاشرٍ خلقــك حفاةٍ عراتي

أسألك أنا خشيتك في سرّ وجهار
وعلى الهُدى طالبك ربي الثباتي

وأسألك حسن الخاتمة بآخر الدار
وتوبة نصوح وعفو قبل الوفاتي

وأسألك أنا الجنة مع وفد الأبرار
مع النبي يا رب هذي مُـناتـــي

من كلمات الشاعر الأميـر / سعود بن خالد الكبير

أم ريما · 02-07-2012, 09:14 AM

صباح الخير زاويتي ..
صباح الخير يا أنــا ..
صباح الخير زواري ..
صباح الخير أحبابي ..
صباح الخير ياحروفي وكلماتي ..

>>>> خلصينا وش عندك !!!

أم ريما · 02-07-2012, 09:28 AM

فديت شماغه الأحمر

وذاك الثوب الأبيض

اللي عزته في آخر كتوفه

رجوله فوق ما أتصور

فديت ترابه الغالي (( زوجي ))
وآآناا زوجته

فديت اللي اذا وقف وقف كل اللي قعد يمه
حبيبي عزي وتاااجي

جعل ربي مااااايحرمني منه

>>>>>>>> حملة تحسين العلاقة >>> قرب العيد ورانا سوووق

abbas1955 · 02-07-2012, 04:45 PM

لا تندم أبداً على معرفة أي شخص في حياتك .
فالناس الجيدون يعطونك " السعادة "
والناس السيئون يعطونك " التجربة "
أما أسوأ الناس فيعطونك " درساً "
وأفضل الناس يعطونك " ذكريات "
فى كل الحالات .... انت مستفيد.